Dende esta ventana virtual del Conceyu de Quirós, damos-y la bienvenida, agradeciéndo-y l’interés por entrar a la web de la nuesa corporación.

La finalidá d’esti portal ye, per una parte, facer más afayadiza y participativa l’Alministración del conceyu, facilitando per Internet les xestiones que tienen que realizar la ciudadanía y les empreses pa col Conceyu; y per otra, dar a conocer el territoriu de Quirós, el so padremuñu natural, cultural y etnográficu, les feries, fiestes y gastronomía, los llugares y actividaes d’interés, y los servicios turísticos qu’ufierta’l nuesu conceyu.

Animamos a los/les habitantes de Quirós a que naveguen, consulten y tramiten documentos per esta web, pa que-yos sirva como ferramienta d’enllaz cola Alministración local. Y convidamos tamién a les persones que nos visiten virtualmente a dar el pasu y conocer físicamente los requexos melgueros del nuesu territoriu.

Per esta nueva vía d’atención a la ciudadanía, queremos da-y les gracies pola visita.

Ovidio García García
Alcalde del Conceyu de Quirós